Дэмакратычны лідэр Сьвятлана Ціханоўская выступіла ў сваім Тэлеграм-каналае з заклікам да беларусаў зраіць тры простыя крокі.
"Беларусы пераканаліся, піша Ціханоўская, што дзяржава ня здольная спыніць распаўсюджваньне пандэміі ў краіне. Таму мы, як заўсёды, разьлічваем толькі на сябе!
Простыя крокі, якія можна зрабіць прама цяпер:
- Зрабіць прышчэпку;
- Насіць маскі;
- Сядзець дома».
Таксама Сьвятлана Ціханоўская заклікала беларусаў спампаваць на яе акаўнтах у сацыяльных сетках ўлётку і распаўсюджваць яе ўсімі магчымымі спосабамі, а таксама паставіць прапанаваны аватар і прыцягваць да захаваньня антыковідных правілаў сяброў і блізкіх.
ГЛЯДЗІЦЕ ТАКСАМА: Мэдыцынскі кісларод у шпіталі Беларусі пачалі пастаўляць вайскоўцы з авіяцыйных базаў ГЛЯДЗІЦЕ ТАКСАМА: У Беларусі зафіксавалі выпадкі новага штаму «дэльта-лайт»; кітайскай вакцынай пачалі прышчапляць цяжарных
Што трэба ведаць пра новы каранавірус, які выклікае COVID-19
- Невядомы раней вірус выявілі ў кітайскім горадзе Ўхань у сьнежні 2019 году.
- Афіцыйнай назвай хваробы ад новага каранавірусу з Кітаю стала COVID-19 (coronavirus disease).
- Сусьветная арганізацыя здароўя рэкамэндуе трымацца далей ад людзей, якія чхаюць і кашляюць, добра мыць рукі, ня есьці дрэнна апрацаванае (недасмажанае або недаваранае) мяса, абмежаваць сацыяльныя кантакты.
- Сусьветная арганізацыя здароўя абвясьціла распаўсюд каранавіруснай інфэкцыі COVID-19 у сьвеце пандэміяй.
- Праявы каранавірусу падобныя да іншых вострых вірусных захворваньняў. Ён суправаджаецца павышанай тэмпэратурай, ліхаманкай і цяжкасьцямі дыханьня, у хворага могуць зьяўляцца кашаль, млявасьць, пагаршэньне агульнага стану; можа выклікаць бранхіт і пнэўманію.
- Каранавірусы — сямейства з больш як 30 вірусаў, якія былі ўпершыню выдзеленыя ў 1965 годзе. Паражаюць людзей, свойскіх жывёлаў, сьвіней, буйную рагатую жывёлу, птушак і здольныя правакаваць пашкоджаньне дыхальнай сыстэмы, страўнікава-кішачнага тракту, нэрвовай сыстэмы. Вядома, што інфэкцыя перадаецца ад чалавека да чалавека. Сярод сымптомаў — гарачка, кашаль і цяжкае дыханьне. Паколькі гэтыя сымптомы падобныя да многіх іншых рэсьпіратарных захворваньняў, неабходны дадатковы скрынінг.
Найважнейшыя пытаньні і адказы пра каранавірус
Беларускія мэдыкі, якія загінулі падчас пандэміі COVID-19. СЬПІС ПАМЯЦІ