Выява з вобразам, падобным да Аляксандра Лукашэнкі, зьявілася раніцай 21 кастрычніка ў цэнтры расейскага Санкт-Пецярбургу.
Але ўжо ў сярэдзіне дня яе прыбралі камунальнікі.
Аўтар новага арт-аб’екта пад назвай «Зло побач» — скандальна вядомы маскоўскі вулічны мастак Zoom. Мяркуючы па апублікаваных у сацсетках фота і відэа, мастак прыляпіў барэльеф у выглядзе галавы Мэдузы Гаргоны на фасад дома ў Санкт-Пецярбургу па адрасе вуліца Пушкінская, 20 — гэта вядомы мэбляваны дом «Пале-Раяль». Ён таксама апублікаваў працэс вырабу барэльефа.
Новы арт-аб’ект прыцягнуў увагу беларускіх інтэрнэт-карыстальнікаў — сам мастак паспрыяў гэтаму, пазначыўшы публікацыю ў Instagram хэштэгам «Жыве Беларусь».