Як паведамляе амэрыканскі тэлеканал CNN, Колін Паўэл памёр раніцай 18 кастрычніка ад ускладненьняў, выкліканых COVID-19. Яму было 84 гады.
Паўэл быў прафэсійным вайскоўцам, браў удзел у вайне ў Віетнаме. Падчас прэзыдэнцтва Рональда Рэйгана ён стаў першым у гісторыі ЗША чарнаскурым дарадцам па нацыянальнай бясьпецы, а падчас прэзыдэнцтва Джорджа Буша-старэйшага — першым чарнаскурым начальнікам генэральнага штабу.
Ягоная папулярнасьць моцна вырасла пасьля перамогі кааліцыі на чале з ЗША ў вайне ў Пэрсыдзкай затоцы 1990 году, якая адбылася пасьля ўварваньня Іраку ў Кувэйт. Аднак сур’ёзнай плямай на ягонай рэпутацыі сталася тое, што, як дзяржаўны сакратар у адміністрацыі Джорджа Буша-малодшага, ён прэзэнтаваў у ААН непраўдзівыя зьвесткі амэрыканскай выведкі аб нібыта наяўнасьці ў Іраку зброі масавага зьнішчэньня, каб здабыць міжнародную падтрымку для другой вайны супраць Іраку.
ГЛЯДЗІЦЕ ТАКСАМА: Пасол Нiкаля дэ Лякост пра свой ад'езд: Францыя не прызнала вынікі выбараў, і я не ўручыў даверчыя лісты. ВІДЭА