Памежная варта Польшчы апублікавала відэа начнога інцыдэнту, на якім некалькі дзясяткаў чалавек выкрыкваюць нешта побач з калючым дротам.
Паводле польскіх памежнікаў, 15 кастрычніка група з 70 іншаземцаў спрабавала перайсьці беларуска-польскую мяжу на адрэзку, які ахоўвае памежная застава ў Мельніку на Падляшшы. «Мы абаранялі мяжу разам з салдатамі», — гаворыцца ў паведамленьні польскіх памежнікаў, якое цытуе Zerkalo.
Тым часам Памежны камітэт Беларусі паведаміў, што 16 кастрычніка выявіў групу мігрантаў на лініі мяжы. «На польскай тэрыторыі паблізу загароды зафіксаваныя сьляды, якія наўпрост паказваюць на тое, што група была выціснутая сілай», — паведамляюць беларускія памежнікі.
Паводле паведамленьня беларускага ведамства, адзін з мігрантаў быў «практычна без адзеньня», прамок, замерз і меў патрэбу ў мэдычнай дапамозе.
ГЛЯДЗІЦЕ ТАКСАМА: «Яны спустошылі нашыя кішэні, а ўначы сілай адвезьлі нас да мяжы», — мігранты пра беларускіх сілавікоў ГЛЯДЗІЦЕ ТАКСАМА: Ці перамог Лукашэнка ў гібрыднай вайне з Польшчай і краінамі Балтыі? Дыскусія экспэртаў