Расейскае інфармацыйнае агенцтва «Новости» са спасылкай на Міністэрства абароны Ўзбэкістану перадало, што самалёт быў зьбіты сыстэмай супрацьпаветранай абароны Ўзбэкістану.
Паводле агенцтва «Інтэрфакс», самалёт разьбіўся ўвечары 15 жніўня. У бальніцу ў Тэрмэзе даставілі ў цяжкім стане дваіх пілётаў. Не паведамляецца, ці быў на борце хто, акрамя іх.
ГЛЯДЗІЦЕ ТАКСАМА: «Міліцыя, армія — усе разьбегліся». Афганскі палітык расказаў, што адбываецца ў Кабуле пасьля прыходу талібаў15 жніўня Талібан бяз бою захапіў сталіцу Афганістану — Кабул. Да гэтага пад кантроль ісламісцкага руху перайшла астатняя тэрыторыя краіны.
Уцёк з Афганістану пасьля ўваходу талібаў у Кабул і прэзыдэнт краіны Ашраф Гані. Дзе ён цяпер, дагэтуль дакладна невядома. Паводле некаторых паведамленьняў, ён мог вылецець у Таджыкістан або Ўзбэкістан. Таджыцкае Міністэрства замежных спраў заявіла 16 жніўня, што самалёт афганскага палітыка ў паветранай прасторы краіны не зьяўляўся.
ГЛЯДЗІЦЕ ТАКСАМА: Перамога талібаў можа паскорыць перамены ў Беларусі