У фінале спаборніцтваў у катэгорыі да 74 кг выступіў прадстаўнік Беларусі Магамедхабіб Кадзімагамедаў. У фінале яму супрацьстаяў даўні апанэнт, расеец Заўрбек Сідакаў, які ўпэўнена перамог зь лікам 7:0. Беларусу дасталася срэбная ўзнагарода.
Магамедхабіб Кадзімагамедаў падпісаў «праўладны» ліст беларускіх спартоўцаў разам са сваім трэнэрам Аляксандрам Журуном. Летась этнічны аварац родам з Дагестану атрымаў грамадзянства Беларусі.
Напярэдадні мэдаль аналягічнай вартасьці заваявала змагарка вольнага стылю, таксама падпісантка ліста за рэжым Ірына Курачкіна.
ГЛЯДЗІЦЕ ТАКСАМА: У Беларусі трэці мэдаль на Алімпіядзе. У жаночай вольнай барацьбе6 жніўня ўладальніцай бронзавага алімпійскага мэдаля ў жаночай барацьбе вольным стылем стала Ванэса Каладзінская. У паядынку за ўзнагароду ў вагавай катэгорыі да 53 кг беларуская атлетка перамагла амэрыканку Джакару Вінчэстэр.
Ванэса Каладзінская (у чорнай форме) змагаецца з Джакарай Вінчэстэр за бронзавы мэдаль
Цяпер у актыве беларускай нацыянальнай каманды адзін залаты, два срэбныя і два бронзавыя мэдалі.