Кіраўнік Радыё Свабодная Эўропа / Радыё Свабода Джэймі Флай зрабіў заяву пра сёньняшнія ператрусы і затрыманьні журналістаў, зьвязаных зь беларускай службай Свабоды.
«Гэтыя ператрусы і арышты сьведчаць аб дэспатычным жаданьні рэжыму Лукашэнкі трымацца ўлады любой цаной, — адзначыў Джэймі Флай. — Цягам дзесяцігодзьдзяў Радыё Свабода было крыніцай навін і натхненьня для жыхароў Беларусі. Крыміналізацыя незалежнай журналістыкі Лукашэнкам — гэта цынічная спроба ўвесьці абсалютны кантроль над тым, што беларускі народ бачыць і чуе. Мы заклікаем рэжым неадкладна вызваліць нашых журналістаў і вярнуць нашу маёмасьць. Тактыка запалохваньня не заглушыць нашу журналістыку».
16 ліпеня прайшлі ператрусы ў офісе і кватэрах журналістаў Радыё Свабода, тэлеканалу «Белсат» і іншых мэдыя.
ГЛЯДЗІЦЕ ТАКСАМА: Зь ператрусамі прыйшлі да журналістаў, зьвязаных з Радыё Свабода і тэлеканалам «Белсат». Ёсьць затрыманыя ГЛЯДЗІЦЕ ТАКСАМА: У Сьледчым камітэце і КДБ патлумачылі ператрусы і затрыманьні ў няўрадавых арганізацыях і СМІ