«Мая каманда сёньня зьвязалася з Эўракамісіяй, і інфармацыя аб ініцыятыве прыпыніць выдачу віз беларусам не пацьвердзілася, — напісала ў сваім ТГ-канале Ціханоўская. — Мы знаходзімся ў пастаянным кантакце зь міжнароднымі партнэрамі, і яны ведаюць нашу пазыцыю: ізаляцыю трэба ўзмацняць у дачыненьні да рэжыму, а народу Беларусі — дапамагаць. Людзям патрэбныя праграмы падтрымкі, рэабілітацыі і спрашчэньні ў атрыманьні візаў — бо ўсе дзьверы, якія закрывае рэжым, мы, беларусы, зараз стараемся адчыніць».
Ціханоўская такім чынам пракамэнтавала выказваньне эўракамісаркі па ўнутраных справах Ільвы Югансан, якая, выступаючы 12 ліпеня ў Эўрапарлямэнце, ня выключыла магчымасьці, што праз сытуацыю на літоўска-беларускай мяжы Эўразьвяз прыпыніць выдаваньне візаў беларусам.
ГЛЯДЗІЦЕ ТАКСАМА: 10 млн эўра і патрулі. Чым яшчэ Эўразьвяз дапаможа Літве ў вырашэньні міграцыйнага крызісуЦіханоўская зьвярнулася ў сваім Твітэры да Ільвы Югансан і Эўрапарлямэнту, падкрэсьліваючы, што «санкцыі павінны тычыцца рэжыму, а не людзей». Прапанову прыпыніць выдачу візаў беларусам яна назвала «недальнабачнай».
The proposal to suspend the issuance of visas to Belarusians is short-sighted. Our people rely on Europe%27s openness. The right answer in these circumstances is simplifying visa procedures for them. Sanction the regime, not Belarusians. pic.twitter.com/zwhwoSrMkE
— Sviatlana Tsikhanouskaya (@Tsihanouskaya) July 12, 2021
Тым часам кіраўнік зьнешняй палітыкі ЭЗ Жузэп Бурэль заявіў, што ЭЗ разглядае магчымасьць далейшых захадаў супраць Беларусі, паведамляе брусэльскі карэспандэнт Свабоды Рыкард Юзьвяк.
EU foreign policy chief Borrell says that the EU is considering further restrive measures against #Belarus after today%27s discussion at the EU foreign affairs council
— Rikard Jozwiak (@RikardJozwiak) July 12, 2021
- 29 чэрвеня прэсавая прадстаўніца замежнапалітычнай службы ЭЗ Набіла Масралі заявіла, што ЭЗ робіць усё магчымае, каб празь дзеяньні рэжыму Лукашэнкі не апынуўся ў ізаляцыі беларускі народ. «Рашэньне аб прыпыненьні дзеяньня пагадненьня аб рэадмісіі [анансаванае Менскам. — РС] не азначае аўтаматычнага прыпыненьня дзеяньня пагадненьня аб спрашчэньні візавага рэжыму паміж ЭЗ і Беларусьсю», — сказала яна.
- Дзякуючы спрашчэньню візавага рэжыму была зьменшаная цана шэнгенскай візы для беларусаў — з 80 да 35 эўра. З выказваньня Масралі вынікае, што яна застанецца такой і пасьля магчымага прыпыненьня Беларусьсю дзеяньня пагадненьня аб рэадмісіі.