Міністар энэргетыкі заявіў, што рашэньне аб пастаўках мае прыняць парлямэнт Казахстану.
Пастаўкі нафты з Казахстану ў Беларусь могуць пачацца не раней за кастрычнік-лістапад. Такі тэрмін назваў міністар энэргетыкі Казахстану Нурлан Нагаеў. Для паставак спатрэбіцца ратыфікацыя пагадненьня.
«Нам трэба будзе ратыфікаваць гэтае пагадненьне, і пасьля ратыфікацыі парлямэнтам мы складзем індыкатыўны плян і пералік тавараў, якія могуць быць пастаўлены ў Беларусь. І там жа будуць абмяркоўвацца віды нафтапрадуктаў і аб’ёмы», — цытуе Нагаева Інтэрфакс.
Пагадненьне аб пастаўках нафты і нафтапрадуктаў, якое вызначае рамачныя ўмовы гандлю дадзенымі таварамі, было падпісана ў панядзелак. Яго зьмест пакуль не раскрываецца.
ГЛЯДЗІЦЕ ТАКСАМА: Ці ўратуе ад санкцый казахстанская нафта? ГЛЯДЗІЦЕ ТАКСАМА: «Патэнцыйны эфэкт ад санкцыяў можа скласьці да 7% падзеньня ВУП», — эканаміст