«Новая газета» распавяла пра падмены вакцынаў ад COVID-19 расейскімі лекарамі

Расейскія лекары сыстэматычна падмяняюць прэпараты для імунізацыі насельніцтва ад каранавірусу новага тыпу, паведамляе «Новая газета».

Выданьне выявіла некалькі выпадкаў у розных рэгіёнах Расеі, дзе пацыенты давалі згоду на вакцынацыю адным прэпаратам, а атрымлівалі іншы — «Эпиваккорона», распрацаваны новасыбірскім цэнтрам «Вектор» .

У большасьці выяўленых выданьнем выпадкаў пацыентам уколвалі гэты прэпарат, калі яны былі ўпэўненыя, што атрымаюць «Спутник V» ці трэцюю расейскую вакцыну — «КовиВак», распрацаваную навуковым цэнтрам імя Чумакова. У выпадках, калі імунізаваныя бачылі падмену і не згаджаліся, ім заяўлялі, што гаворка ідзе пра мэдычную памылку ці пра тое, што паміж прэпаратамі няма ніякай розьніцы.

ГЛЯДЗІЦЕ ТАКСАМА: Reuters: Эўразьвяз ухваліць «Спутник V» не раней за верасень
  • Насамрэч, толькі распрацоўшчыкі «Спутника» апублікавалі зьвесткі аб сваёй вакцыне ў міжнародным рэцэнзаваным выданьні. Зьвесткі аб эфэктыўнасьці двух іншых прэпаратаў толькі зьбіраюцца распрацоўнікамі. «Эпиваккорона» зарэгістраваная толькі ў Расеі і Туркмэністане, а ўдзельнікі яе клінічных выпрабаваньняў скардзяцца, што ня могуць выявіць у сябе антыцелы ў незалежных лябараторыях.
ГЛЯДЗІЦЕ ТАКСАМА: Беларусы перажываюць, што ня могуць атрымаць другую дозу вакцыны COVID-19 у прызначаны час