У нямецкай кампаніі CureVac патлумачылі параўнальна нізкую эфэктыўнасць вакцыны на стадыі прамежкавых выпрабаваньняў наяўнасьцю беспрэцэдэнтнай колькасьці варыянтаў вірусу, паведамляе Deutsche Welle.
Вакцына-кандыдат CVnCoV нямецкага вытворцы CureVac па выніках другой фазы прамежкавых выпрабаваньняў не дасягнула чаканых вынікаў эфэктыўнасьці. Пра гэта біяфармацэўтычная кампанія са штаб-кватэрай ва ўнівэрсытэцкім горадзе Цюбінгене паведаміла ў сераду, 17 чэрвеня.
ГЛЯДЗІЦЕ ТАКСАМА: Reuters: Эўразьвяз ухваліць «Спутник V» не раней за верасень«У беспрэцэдэнтных для сёньняшняга дня ўмовах, зьвязаных з наяўнасьцю як мінімум 13 варыянтаў вірусу, у групе ўдзельнікаў выпрабаваньняў па выніках прамежкавага аналізу была выяўлена папярэдняя эфэктыўнасьць 47 працэнтаў у дачыненьні да захворваньня на COVID-19 усіх узроўняў цяжкасьці. Такім чынам, статыстычна вакцына-кандыдат ня выканала крытэрыяў для прызнаньня выпрабаваньняў пасьпяховымі», — сказана ў дакумэнце. Паводле дадзеных CureVac, першыя прамежкавыя аналізы паказалі, што эфэктыўнасьць вакцыны залежыць ад узросту ўдзельнікаў выпрабаваньняў і штамаў вірусу.
«У сувязі з наяўнасьцю вялікай колькасьці варыянтаў вірусу вельмі важна весьці распрацоўку вакцын другога пакаленьня, бо новыя варыянты ўзьнікаюць зноў і зноў», — падкрэсьліў у сувязі з гэтым кіраўнік CureVac Франц-Вэрнэр Гас.
ГЛЯДЗІЦЕ ТАКСАМА: Вакцына вытворчасьці Novavax паказала эфэктыўнасьць больш за 90 адсоткаўДругая фаза прамежкавых выпрабаваньняў вакцыны-кандыдата ад CureVac праходзіла ў некалькіх краінах, у ёй удзельнічалі 40 тысяч добраахвотнікаў.
САЗ рэкамэндуе выкарыстоўваць вакцыны з эфэктыўнасьцю, ня меншай за 50%, прычым паказьнікі многіх з ужо ўхваленых арганізацыяй прэпаратаў моцна перавышаюць гэтую адзнаку.