Журналістка і блогерка Наста Захарэвіч атрымала палітычнае прыстанішча ў Латвіі.
«Я атрымала статус уцякачкі. Латвія дала мне палітычнае сховішча», — паведаміла Наста Захарэвіч у сваіх сацыяльных сетках.
Наста Захарэвіч пакінула Беларусь пасьля шэрагу затрыманьняў і адміністрацыйных арыштаў на 7 і 15 сутак за ўдзел у пратэставых акцыях, нагадвае Беларуская асацыяцыя журналістаў.
Журналістка зьехала ў Латвію і некалькі месяцаў правяла ў лягеры для ўцекачоў.
ГЛЯДЗІЦЕ ТАКСАМА: З 65 хварэюць 42. Уцекачы зь Беларусі расказалі пра ўспышку каранавірусу ў латвійскім цэнтры разьмяшчэньняУвосень 2019 году Наста Захарэвіч атрымала прэмію ПЭН-цэнтру імя Алеся Адамовіча. Яе ўганаравалі за цыкль публікацый на сайце Радыё Свабода і асьвятленьне праблемаў, зьвязаных з гвалтам і дыскрымінацыяй.