Прэзыдэнт Украіны лічыць, што стварэньне саюзнай дзяржавы Расеі і Беларусі можа несьці пагрозу для Ўкраіны. Уладзімір Зяленскі даў інтэрвію газэце Frankfurter Allgemeine Zeitung, яно выйшла 31 траўня.
«Мы назіраем за тым, як Расея і Беларусь настойліва супрацоўнічаюць адна з адной. Яны могуць уключыць туды [у інтэграцыйныя пытаньні] абарону, і тады гэтыя краіны змогуць чыніць на нас сурʼёзны ціск», — цытуе Зяленскага ТАСС.
«З гэтага боку мы бачым небясьпеку для нас — аж да стварэньня сапраўднай саюзнай дзяржавы паміж Расеяй і Беларусьсю», — сказаў Зяленскі.
ГЛЯДЗІЦЕ ТАКСАМА: Уладзімер Макей: «Застаюцца няўзгодненымі дзьве саюзныя праграмы з 28» ГЛЯДЗІЦЕ ТАКСАМА: Экспэрт: «Расея ня зможа абараніць Беларусь ад наступстваў санкцый пры ўсім жаданьні»