Новай спробай прымусіць замаўчаць вядучыя незалежныя СМІ ў Беларусі назваў перасьлед беларускага мэдыяпарталу Tut.by генэральны сакратар міжнароднай арганізацыі «Рэпартэры бязь межаў» Крыстоф Дэлюар, паведамляе БелаПАН.
З асуджэньнем блякаваньня парталу і рэпрэсій супраць яго супрацоўнікаў выступіў міністар замежных спраў Латвіі Эдгарс Рынкевічс.
«Гэта недапушчальна і супярэчыць міжнародным абавязаньням Беларусі», — напісаў кіраўнік латвійскай дыпляматыі ў Твітэры.
I condemn the blocking of independent Belarusian news media @tutby and repressions against its staff. This is unacceptable and contrary to the international obligations of #Belarus. I call on authorities in #Minsk to resume work of the site and to stop harassment of journalists
— Edgars Rinkēvičs (@edgarsrinkevics) May 18, 2021
«Рашуча асуджаем рэпрэсіі супраць найбуйнейшага навіннага сайту Беларусі. Беларусь ня могуць і не прымусяць замаўчаць! Будзем сачыць за разьвіцьцём падзей, баючыся за бясьпеку журналістаў, у тым ліку Марыны Золатавай», — гаворыцца ў заяве МЗС Эстоніі.
Stongly condemn the crackdown on #TUTBY, the largest news website in #Belarus. People of Belarus can’t & won’t be silenced! Will monitor the developments, particularly worried about the safety of journalists, incl Marina Zolotova. In EE🇪🇪 we #StandWithBelarus for #MediaFreedom pic.twitter.com/MG7wkmpG5X
— Estonian MFA 🇪🇪 (@MFAestonia) May 18, 2021
Рада Эўропы заклікае ўлады Беларусі ўстрымацца ад далейшага ціску на СМІ, пра гэта заявіў прэс-сакратар арганізацыі Даніэль Хольтген.
The Council of Europecalls on authorities in #Belarus to refrain from exerting further pressure on media. Recent actions against @tutby and #journalists are alarming and go against the fundamental right to #freedomofexpression.https://t.co/Q7xMkTOSOA
— Daniel Holtgen (@CoESpokesperson) May 18, 2021
«Нядаўнія дзеяньні супраць Tut.by і журналістаў выклікаюць трывогу і супярэчаць асноўнаму праву на свабоду выказваньня», — адзначыў ён.
Нацыянальны саюз журналістаў Украіны заявіў, што атака на інтэрнэт-партал Tut.by сьведчыць аб сыстэматычным уціску свабоды слова ў Беларусі і аб надзвычайнай сытуацыі зь бясьпекай журналістаў.
«Барацьба са свабодай слова — гэта сьвядомая вайна з правамі грамадзян на атрыманьне праўдзівай інфармацыі. Журналістыка — гэта пра права ведаць і пра грамадзкі інтарэс, а не пра права ўлады на кантроль і прапаганду. Патрабуем свабоды для беларускіх журналістаў і СМІ», — заявіў старшыня Нацыянальнага саюзу журналістаў Украіны Сяргей Таміленка.
Старшая кіраўніца кампаній праваабарончай арганізацыі Amnesty International па Беларусі Аіша Джанг назвала блякаваньне «баязьлівым крокам з боку ўраду, які баіцца праўды і зьвяртаецца да жорсткасьці для задушэньня правоў чалавека». Па словах Джанг, каля паловы беларускіх-інтэрнэт карыстальнікаў шукалі інфармацыю на заблякаваным уладамі Tut.by.
ГЛЯДЗІЦЕ ТАКСАМА: Сайт Tut.by заблякавалі, многіх супрацоўнікаў затрымалі. Завялі крымінальную справу. У чым іх вінавацяць18 траўня быў чорным днём у гісторыі Tut.by. Сілавікі прыйшлі і ў цэнтральны, і ў рэгіянальныя офісы кампаніі Tut.bу, а таксама ў афіляваныя зь ёй Hoster.by і av.by. Вобшукі правялі таксама і ў кватэрах журналістаў. Многіх супрацоўнікаў затрымалі. Завялі крымінальную справу. Сайт Tut.by заблякавалі.
Ганеньні на Tut.by асудзілі ЗША, ЭЗ, АБСЭ, Рада Эўропы, МЗС Літвы, Латвіі і Эстоніі, «Міжнародная амністыя» і іншыя арганізацыі.
ГЛЯДЗІЦЕ ТАКСАМА: Tut.by — як ствараўся і чым важны найбуйнейшы беларускі партал ГЛЯДЗІЦЕ ТАКСАМА: Як зьнішчаюць найбуйнейшы беларускі партал Tut.by. ВІДЭА ГЛЯДЗІЦЕ ТАКСАМА: Біскуп Касабуцкі: Молімся за каманду Тut.by у гадзіну выпрабаваньняў