Раней ён вакцынаваўся расейскім прэпаратам «Спутник V».
62-гадовы палітык распавёў у Твітэры, што ўвечары ў яго была крыху падвышаная тэмпэратура і балела галава, таму ён вырашыў прайсьці тэст. Цяпер ён чакае вынікаў больш дакладнага ПЦР-тэсту.
Аргэнтына — адна з першых краінаў, якія ўхвалілі ўжываньне вакцыны «Спутник V». Фэрнандэс атрымаў першую дозу вакцыны ў студзені, пасьля таго як нацыянальны рэгулятар дапусьціў яе да выкарыстаньня сярод людзей старэйшых за 60 гадоў.
ГЛЯДЗІЦЕ ТАКСАМА: COVID-19. Афіцыйная статыстыка: 9 сьмерцяў і 1371 новы хворыУ афіцыйным Твітэры вытворцы вакцыны ў адказ на запіс прэзыдэнта паведамілі, што яны шкадуюць аб тым, што здарылася, і нагадалі, што, згодна з дадзенымі распрацоўшчыкаў, вакцына забясьпечвае эфэктыўнасьць 91,6% супраць заражэньня каранавірусам і 100% ад цяжкой хады хваробы.
На практыцы статыстыка можа апынуцца горшай. На гэтым тыдні мэрыя Масквы паведаміла , што каля тысячы чалавек, якія атрымалі абедзьве дозы вакцыны «Спутник V», захварэлі каранавірусам пасьля заканчэньня двух тыдняў пасьля другога ўколу. 76% тых, хто заразіўся, пераносяць хваробу ў лёгкай ці бессымптомнай форме, стан астатніх больш цяжкі, вынікае з паведамленьня.