«Мы перадалі расейскаму амбасадару рашучы пратэст італьянскага ўраду і праінфармавалі яго аб неадкладнай высылцы з краіны дзьвюх расейскіх афіцыйных асобаў, датычных да гэтай сур’ёзнай справы», — паведаміў кіраўнік МЗС Італіі Люіджы ды Маё ў сваім Твітэры 31 сакавіка.
Abbiamo trasmesso all’ambasciatore russo in Italia la ferma protesta del governo italiano e notificato l’immediata espulsione dei due funzionari russi coinvolti in questa gravissima vicenda. pic.twitter.com/B8Q2OpZfBt
— Luigi Di Maio (@luigidimaio) March 31, 2021
Раней італьянская паліцыя паведаміла пра затрыманьне ў Рыме старшага афіцэра ВМС Італіі і вайсковага супрацоўніка расейскай амбасады ў Рыме на аснове падазрэньня ў шпіянажы на карысьць Расеі. Абодвух падазраваных схапілі напярэдадні ўвечары падчас тайнай сустрэчы, калі італьянец перадаваў ім сакрэтныя дакумэнты ў абмен на грашовае ўзнагароджаньне.
ГЛЯДЗІЦЕ ТАКСАМА: Баўгарыя выслала двух расейскіх дыпляматаў праз падазрэньні ў шпіянажыІтальянскія СМІ, спасылаючыся на крыніцы ў сьледчых органах, паведамілі, што затрыманы расеец займаўся зборам сакрэтнай інфармацыі ня толькі ў Італіі, але і пра NATO ў цэлым. Пазьней у расейскай амбасадзе ў Рыме пацьвердзілі факт затрыманьня супрацоўніка апарату вайсковага аташэ.
ГЛЯДЗІЦЕ ТАКСАМА: У Францыі супрацоўнік расейскага консульства гандляваў крадзенымі роварамі і зарабіў 100 тысяч эўра