Злучаныя Штаты пакінулі гэты міжнародны орган у 2018 годзе пры прэзыдэнце Дональдзе Трампе, піша «Голас Амэрыкі».
ЗША будуць дамагацца абраньня ў Раду правоў чалавека ААН пазьней сёлета, заявіў у сераду дзяржсакратар ЗША Энтані Блінкен.
У сваім відэазвароце да сяброў Рады Блінкен заявіў, што адміністрацыя прэзыдэнта Джо Байдэна будзе працаваць, каб ліквідаваць тое, што ён назваў «непрапарцыйным акцэнтам» на саюзьніку ЗША Ізраілі ў дзейнасьці гэтага жэнэўскага форуму.
ЗША выйшлі з Рады пры прэзыдэнце Дональдзе Трампе ў чэрвені 2018 году, але ўрад Байдэна вярнуўся туды ў якасьці назіральніка ў лютым 2021 году.
ГЛЯДЗІЦЕ ТАКСАМА: 42 краіны з Рады правоў чалавека ААН асудзілі перасьлед журналістаў у Беларусі«Я рады аб’явіць, што ЗША будуць дамагацца абраньня ў Раду правоў чалавека ААН на тэрмін з 2022 па 2024 год. Мы просім ўсе дзяржавы ААН падтрымаць нашу заяўку на вяртаньне ў гэты орган», — сказаў Блінкен.
Штогадовыя выбары трохгадовага складу Рады, якая складаецца з 47 сяброў, павінны прайсьці на Генэральнай Асамблеі ААН у кастрычніку. У цяперашні склад Рады ўваходзяць Вялікая Брытанія, Кітай і Расея.
ГЛЯДЗІЦЕ ТАКСАМА: 42 краіны з Рады правоў чалавека ААН асудзілі перасьлед журналістаў у Беларусі