У сьледчым ізалятары ў Жодзіне, дзе шмат палітвязьняў, перадачы пачнуць прымаць праз тыдзень.
11 лютага аднавіўся прыём перадач арыштантам, якія ўтрымліваюцца ў ізалятары на Акрэсьціна ў Менску. Адміністратыўна затрыманым і арыштаваным, якіх утрымліваюць у гэтай установе, яшчэ не дазвалялі атрымліваць перадачы ў 2021 годзе. Адміністрацыя паведаміла, што прыём перадач трывае да 17-й гадзіны, піша тэлеграм-канал «Списки задержанных».
Як доўга будзе дзейнічаць дазвол — невядома. Пакуль гаворка вядзецца толькі пра 11 лютага.
А ў ізалятары часовага ўтрыманьня ў Жодзіне перадачы дазволяць з 17 лютага. Такую інфармацыю атрымалі валянтэры, апублікаваўшы яе на канале «Жодино задержанные». Там прыём перадач спынілі 27 студзеня.
ГЛЯДЗІЦЕ ТАКСАМА: Рэдактар Tut.by напісала ліст міністру здароўя пра нялюдзкія ўмовы ў ізалятарах: «15 дзён бязь зьменнай бялізны!» ГЛЯДЗІЦЕ ТАКСАМА: У турме Жодзіна ад 27 студзеня ня будуць прымаць перадачы зьняволеным, на Акрэсьціна не прымаюць тры тыдні