В Марьино в квартиру Алексея Навального пришли с обыском. Много «тяжелых» в масках. Начали ломать дверь. В квартире находится Олег Навальный. В рамках какого дела и на каком основании мы не знаем.
— Ivan Zhdanov (@ioannZH) January 27, 2021
Сам апазыцыянэр затрыманы на месяц, ён пад вартай у сьледчым ізалятары «Матроская цішыня». Яго абвінавацілі ў парушэньні выпрабавальнага тэрміну па крымінальнай справе 2012 году. Алег Навальны быў асуджаны па той жа справе на 3,5 года калёніі.
Выданьне «База» без указаньня крыніцы паведамляе, што ператрус можа праходзіць па новай крымінальнай справе, распачатай супраць паплечнікаў Навальнага. Па інфармацыі журналістаў, справа ўзбуджаная па артыкуле аб парушэньні санітарна-эпідэміялягічных правілаў пасьля мітынгаў у падтрымку палітыка 23 студзеня. Раней аб узбуджэньні справы па артыкуле паведамлялі крыніцы ТАСС і РИА «Новости» ў праваахоўных органах.
ГЛЯДЗІЦЕ ТАКСАМА: «Ніякі ён не шавініст». Беларус з каманды Навальнага пра дэпартацыю з Расеі і ўцёкі зь Беларусі23 студзеня ў акцыях пратэсту ў абарону Навальнага ў 125 гарадах Расеі ўзялі ўдзел больш за 100 тысяч чалавек. Каля 3,5 тысячы былі затрыманыя. Акцыі не былі ўзгодненыя з уладамі. У многіх гарадах адміністрацыі адмаўляюць ва ўзгадненьні мерапрыемстваў, спасылаючыся на пандэмію каранавіруснай інфэкцыі новага тыпу.
Афіцыйна аб узбуджэньні справы не паведамлялася. Максымальнае пакараньне па названым артыкуле — пазбаўленьне волі да двух гадоў.