Разгляд скаргі праходзіў на закрытым пасяджэньні, вяла працэс судзьдзя Тацяна Алейнікава. Рашэньне можа быць абскарджана ў Менскім гарадзкім судзе.
Адвакат Дзьмітрый Лаеўскі сказаў журналістам, што калі б пасяджэньне было адкрытае, суду было б значна складаней пакінуць у сіле рашэньне сьледчага аб пакіданьні Максіма Знака пад вартай, цытуе яго Інтэрфакс.
ГЛЯДЗІЦЕ ТАКСАМА: У менскім сьледчым ізалятары канваіры пераблыталі Знака і КалесьнікавуНа яго думку, закрытасьць працэсу, прадугледжаная ў заканадаўстве, — гэта «шырма, якая не дазваляе грамадзтву кожны раз пераканацца, што доказаў няма».
Максіма Знака затрымалі 9 верасьня, пазьней яму прад’явілі абвінавачаньне паводле ч. 3 арт. 361 Крымінальнага кодэксу (заклікі да дзеяньняў, накіраваных на прычыненьне шкоды нацыянальнай бясьпецы Беларусі).
ГЛЯДЗІЦЕ ТАКСАМА: У Беларусі запусьцілі праект падтрымкі адвакацкай супольнасьці «Права на абарону»У канцы сьнежня 2020 году Генэральная пракуратура завяла супраць Максіма Знака і іншых сяброў Каардынацыйнай рады крымінальныя справы «па фактах стварэньня экстрэмісцкага фармаваньня і кіраваньня ім з мэтай захопу дзяржаўнай улады неканстытуцыйным шляхам».