Такім чынам яны ўшанавалі 158-ю гадавіну пачатку вызвольнага паўстаньня 1863 году, якое ў Беларусі і Літве прайшло пад кіраўніцтвам Кастуся Каліноўскага.
Гістарычная значнасьць мясцовых могілак падкрэсьліваецца ня толькі старадаўнасьцю пахаваньняў, а і асобамі, якія знайшлі тут свой апошні прытулак. Сярод іх паўстанцы Юльян Бакшанскі, Рафал Малішэўскі, Леапольд Банькоўскі, Людвік Ямант і 15-гадовы Ігнацы Сулістроўскі.
Помнік паўстанцам
Яны загінулі ў баі з царскімі карнікамі 23 сакавіка 1863-га ў раёне вёскі Сьвечкі. На магіле паўстанцаў у 1921 годзе паставілі помнік. Пасьля Другой сусьветнай вайны на могілках нікога больш не хавалі, мясцовы люд пра герояў забыўся.
Вярнулі памяць зь нябыту гісторыкі і грамадзкія дзеячы Міхась Чарняўскі і Зянон Пазьняк, якія аднойчы пачулі ад мясцовага жыхара пра забітых і пахаваных паўстанцаў. Так пахаваньне вярнулася нашчадкам.
ГЛЯДЗІЦЕ ТАКСАМА: 40 мясьцінаў у Беларусі, дзе можна ўшанаваць паўстанцаў Каліноўскага. МАПАЧасовы павераны ў справах амбасады Польшчы ў Беларусі Марцін Вайцяхоўскі на цырымоніі заявіў, што Студзеньскае паўстаньне — сымбаль сумеснай барацьбы палякаў, літоўцаў і беларусаў.
«Тое паўстаньне было вельмі важным для нашага сумеснага змаганьня з царскімі акупантамі за незалежнасьць. У даваенныя гады тут быў таксама ўсталяваны помнік салдатам Корпусу аховы межаў. У 1990-я беларускія дэмакраты і актывісты яго адрамантавалі, прывялі да ладу», — адзначыў Марцін Вайцяхоўскі.
Кветкі і сьвечкі ля помніка
Часовая павераная ў справах амбасады Літвы ў Менску Аста Андрыяўскене сказала, што паўстаньне 1863 году стала гістарычнай падзеяй, важнай ня толькі для тагачасных літоўцаў, палякаў і беларусаў, а і для іхных нашчадкаў.
«Лёзунг удзельнікаў паўстаньня сёньня актуальны як ніколі. Мы цэнім паўстанцаў і ўсіх, хто і цяпер змагаецца за свабоду», — сказала Аста Андрыяўскене.
Прамаўляе гісторык Ігар Мельнікаў
Беларускі гісторык Ігар Мельнікаў зьвярнуў увагу, што паўстаньне 1863 году займае асаблівае месца ў гісторыі яго краіны.
«З гэтага моманту, у 1863 годзе, у нас адбываецца працэс стварэньня нацыянальнай ідэнтычнасьці сучасных беларусаў», — падкрэсьліў Ігар Мельнікаў.
ГЛЯДЗІЦЕ ТАКСАМА: Зьдзек з парэшткаў паўстанцаў: расейцы гулялі на магілах у крыкет і залівалі фэкаліяміУ Беларусі вядома некалькі дзясяткаў месцаў, дзе ёсьць магілы ўдзельнікаў паўстаньня 1863 году.