35-гадовы Алесь Мармыш адпрацаваў гукарэжысэрам на «Радыё Гродна» амаль 12 гадоў. Калі ўвосень 2020 году яму даручылі апрацаваць міліцэйскі ролік з заклікам да гараджанаў разыходзіцца і ня ўдзельнічаць у вулічных акцыях, ён вырашыў звольніцца.
Сям'я Алеся гадуе дваіх дзяцей і выплачвае крэдыт за кватэру. Дзякуючы неабыякавым беларусам мужчына атрымлівае новую адукацыю і ўжо шукае працу ў сфэры IT.