«Дома, але пад падпіскай», — напісаў Яўдаха на сваёй старонцы ў Фэйсбуку каля 17.45.
Раніцай сёньня Яўдаха пасьпеў паведаміць, што ў дамафон яго кватэры пазванілі міліцыянты. Пасьля гэтага ён перастаў выходзіць на сувязь.
Саюз беларускіх пісьменьнікаў на сваім сайце са спасылкай на сяброў Яўдахі паведаміў, што яго затрымалі і павезьлі ў ДФР КДК. У кватэры забралі тэлефон, ноўтбук і шэраг кніг.
Сёньня ж фінансавая міліцыя забрала на допыт заснавальніка прыватнага выдавецтва «Янушкевіч» Андрэя Янушкевіча. Яго таксама пазьней вызвалілі пад падпіску аб неразгалошваньні.
Беларускі ПЭН-цэнтар на сваёй старонцы ў Фэйсбуку паведамляў, што ў памяшканьні выдавецтва быў ператрус, забралі стацыянарны кампутар і ноўтбукі.
ГЛЯДЗІЦЕ ТАКСАМА: Затрымалі Андрэя Янушкевіча, у ягоным выдавецтве ператрус. Зьнікла сувязь з кнігаром Алесем ЯўдахамНапярэдадні ў Менску затрымлівалі дырэктара прыватнага выдавецтва «Кнігазбор» Генадзя Вінярскага і дызайнэра Анатоля Лазара.
ГЛЯДЗІЦЕ ТАКСАМА: Чым небясьпечныя для Лукашэнкі «кніжныя людзі»?Справу адносна Вінярскага вядзе аддзел па барацьбе з эканамічнымі злачынствамі, справу Лазара — фінансавая міліцыя. У абодвух канфіскавалі тэхніку. Увечары 13 студзеня пасьля допыту іх адпусьцілі на волю пад падпіску аб неразгалошваньні матэрыялаў крымінальных спраў.