Ліндэ лічыць, што для ЭЗ важна дзейнічаць аднадушна і рашуча, і лічыць, што санкцыі эфэктыўныя, калі яны карыстаюцца шырокай міжнароднай падтрымкай, і таму будзе працаваць на пашырэньне санкцый праз міжнародныя арганізацыі.
«Швэдзкі ўрад зрабіў дэмакратыю адным са сваіх галоўных прыярытэтаў на гэтую ўрадавую кадэнцыю, і на працягу многіх гадоў Швэцыя палітычна і з дапамогай матэрыяльнай дапамогі падтрымлівала імкненьне да дэмакратычных пераменаў у Беларусі. Мы працягнем гэта рабіць». — напісала Ліндэ.
Швэцыя мае намер выкарыстоўваць усе даступныя інструмэнты, у тым ліку ў рамках ААН і АБСЭ, каб уплываць на разьвіцьцё ў «правільным кірунку» і працаваць над тым, каб Беларусь выконвала свае абавязацельствы ў дачыненьні да правоў чалавека і асноўных правоў і свабодаў.
З пачатку года Швэцыя зьяўляецца старшынёй АБСЭ.
ГЛЯДЗІЦЕ ТАКСАМА: Ціханоўская: народны рэфэрэндум па новай Канстытуцыі павінен прайсьці да канца 2021 году і без Лукашэнкі