Мэдыкі Анатоль Трухан і Тацяна Ендэладзэ памерлі ад каранавірусу. Сёлета яны працавалі з хворымі на COVID-19.
У Салігорску адбываецца разьвітаньне з загадчыкам Станцыі хуткай дапамогі. Анатоль Трухан памёр 25 сьнежня ад каранавірусу.
Каранавірусная інфэкцыя стала прычынай сьмерці мэдсястры хірургічнага аддзяленьня шпіталю МУС у Менску Тацяны Ендэладзэ. Разьвітаньне адбылося 25 сьнежня. Больш за 3 месяцы яна непасрэдна працавала з хворымі на COVID-19, паведаміў тэлеграм-канал «Белые халаты. News».
Паводле афіцыйных зводак Мінздароўя, ад каранавірусу сёлета памерлі 1376 чалавек.
ГЛЯДЗІЦЕ ТАКСАМА: Міністэрства здароўя: ад каранавірусу ў Беларусі 25 сьнежня памерлі 9 чалавек ГЛЯДЗІЦЕ ТАКСАМА: Эўразьвяз пачынае вакцынацыю ад COVID-19. Тым часам новы штам каранавірусу дабраўся да Францыі