Першай пацыенткай, якой зрабілі прышчэпку, стала мэдсястра аддзяленьня інтэнсіўнай тэрапіі ў Нью-Ёрку
Мільёны дозаў вакцыны Pfizer / BioNTech дастаўляюцца ў мэдычныя цэнтры ў розных штатах ЗША. Чакаецца, што ў першы дзень агульнанацыянальнай кампаніі вакцына паступіць у 150 шпіталяў ЗША. Цяперашняя праграма разьлічаная на вакцынацыю 100 мільёнаў амэрыканцаў да красавіка 2021 году.
Колькасьць жыхароў ЗША, якія памерлі ад каранавірусу з пачатку пандэміі, наблізілася да 300 тысяч. Гэты паказчык значна перавышае статыстыку любой іншай краіны сьвету. Хуткі рост захворваньня адзначаецца ў ЗША зь лістапада. У шпіталях ЗША цяпер знаходзяцца больш за 109 тысяч пацыентаў з дыягназам COVID-19.
ГЛЯДЗІЦЕ ТАКСАМА: За дзень у Беларусі ад COVID-19 памерлі 10 чалавек