Лідэры краінаў Эўрапейскага Зьвязу 10 сьнежня ўхвалілі падаўжэньне яшчэ на паўгода санкцый супраць Расеі, уведзеных за ролю Масквы ў канфлікце на ўсходзе Ўкраіны.
Упершыню санкцыі ўвялі ў чэрвені 2014 году пасьля анэксіі Расеяй Крыму і на тле абвінавачаньняў у адрас Масквы пра тое, што яна дапамагае сэпаратыстам на Данбасе.
Паслы Эўразьвязу афіцыйна працягнуць абмежавальныя захады супраць Расеі на наступным тыдні. Санкцыі закранаюць фінансавую, энэргетычную і абаронную сфэры.
За час канфлікту на ўсходзе Ўкраіны загінулі больш за 13 200 чалавек. Масква адпрэчвае абвінавачаньні ў падтрымцы сэпаратыстаў на дзяржаўным узроўні, а далучэньне Крыму называе аднаўленьнем гістарычнай справядлівасьці.
ГЛЯДЗІЦЕ ТАКСАМА: Чэха, які ваяваў у «ДНР», асудзілі на турэмны тэрмінГЛЯДЗІЦЕ ТАКСАМА: Расея ня хоча сыходу Лукашэнкі. Яна хоча Беларусь