Сьцяпан Латыпаў, якога затрымалі ў менскім двары, вядомым як «плошча Перамен», знаходзіцца ў «Навінках» на псыханэўралягічнай экспэртызе.
Лісты, якія пішуць Сьцяпану ў турму, вяртаюцца з пазнакай «адрасат адсутнічае», а ў «Навінкі» заклікаюць лісты не накіроўваць, бо неўзабаве яго могуць вярнуць на «Валадарку». Пра гэта паведамілі ў фэйсбуку «плошчы Перамен».
Сьцяпана Латыпава абвінавачваюць па арт. 293 КК («Масавыя беспарадкі»), а таксама ў намеры прымяніць супраць сілавікоў атруту.