Як сілавікі разганялі нядзельны марш у Менску. ФОТА

Удзельнікі марша спрабавалі сабрацца каля гарадзкой ратушы, але ім гэта не ўдалося

Канцэнтрацыя сілавікоў сёньня была асабліва высокай

Любыя спробы пратэстоўцаў сабрацца ў розных пунктах гораду сутыкаліся з жорсткімі затрыманьнямі

На гэтым фота і ніжэй меркавана супрацоўнікі ГУБАЗіК зьбіваюць і хапаюць людзей у пачатку праспэкту Пераможцаў

Шматлікія фота і відэа засьведчылі беспадстаўны гвалт сілавікоў над мірнымі пратэстоўцамі. Сілу ўжывалі і да старых людзей, і да жанчын.

На мікрааўтобусах сілавікоў нумары розных рэгіёнаў Беларусі

Людзей у цэнтры гораду жорстка затрымлівалі, блякавалі, акружалі групы дэманстрантаў, каб ня даць ім аб’яднацца ў большыя калёны

Дэманстрантам удалося прынамсі двойчы сфармаваць калёны па некалькі тысяч чалавек і выйсьці на праезную частку — каля стэлы «Менск — горад-герой» і на вуліцы Багдановіча

Нягледзячы на жорсткі гвалт сілавікоў, менчукі ўсё адно спрабавалі ўтварыць калёны і станавіліся ў ланцугі салідарнасьці зь бел-чырвона-белымі сьцягамі

Беларуская самапомач. Каля аднаго з платоў у цэнтры гораду хтосьці паставіў драбіны, каб людзям было зручней пералазіць. У тым раёне сілавікі атачылі пратэстоўцаў амаль з усіх бакоў

Паасобныя адвольныя затрыманьні ішлі ў Менску і пасьля таго, як сілавікі ачысьцілі цэнтар гораду ад дэманстрантаў

Супрацоўнікі АМАП, ГУБАЗіК, ДАІ і іншых сілавых службаў ганяліся за людзьмі ня толькі па вуліцах, але і ў гандлёвых цэнтрах — у наведнікаў правяралі рэчы на наяўнасьць бел-чырвона-белых сьцягоў

Людзей, якіх хапалі байцы без апазнавальных знакаў, перасаджваюць у аўтазак каля будынку ГУБАЗіК

Чалавеку сталага веку разьбілі галаву да крыві ў раёне Нямігі