Падзеі 5 лістапада ў беларускай і сусьветнай гісторыі.
Дата дня
5 лістапада 2020 году афіцыйна мінае тэрмін паўнамоцтваў Аляксандра Лукашэнкі ў якасьці прэзыдэнта краіны – яго апошняя інаўгурацыя адбылася 5 лістапада 2015 году. Выбары прэзыдэнта Беларусі, якія прайшлі 9 жніўня, не прызналі ЗША, Эўразьвяз і АБСЭ. У Эўрапарлямэнце заявілі, што менавіта 5 лістапада, разам са сканчэньнем пятай кадэнцыі Лукашэнкі, ён губляе сваю легітымнасьць. Ва Ўкраіне паведамілі, што ад гэтага дня ня будуць называць Аляксандра Лукашэнку прэзыдэнтам Беларусі.
Your browser doesn’t support HTML5
Ціханоўская пра заканчэньне тэрміну паўнамоцтваў Лукашэнкі 5 лістапада
5 лістапада 1893 году нарадзіўся Кастусь Езавітаў, беларускі палітык, гісторык і публіцыст, удзельнік абвяшчэньня незалежнасьці Беларускай Народнай Рэспублікі 25 сакавіка 1918 году, сябра Рады БНР, міністар вайсковых справаў БНР (расстраляны НКВД у 1946 годзе).
Таксама ў гэты дзень
1794 — расейскія войскі пад кіраўніцтвам Аляксандра Суворава ўзялі штурмам Варшаву і ўчынілі там расправу над паўстанцамі. Такім чынам вызвольнае паўстаньне пад кіраўніцтвам Тадэвуша Касьцюшкі, якое адбывалася і на тэрыторыі сучаснай Беларусі, было канчаткова задушанае.
1923 — створана літаратурнае аб’яднаньне «Маладняк».
У гэты дзень нарадзіліся
1907 — Міхал Вітушка, арганізатар пасьляваеннай антысавецкай партызанкі.
У памяці
1916 — памерла беларуская паэтка Алаіза Пашкевіч (Цётка).
1954 — памёр беларускі паэт і перакладчык Міхась Клімковіч, аўтар гімну БССР.
1996 — памёр беларускі кінарэжысэр Віктар Тураў. Аўтар фільмаў «Я родам зь дзяцінства» (1966), «Сыны ідуць у бой» (1969), «Пераправа» (1987), «Чорны бусел» (1993), «Шляхціц Завальня, ці Беларусь у фантастычных расказах» (1994) і іншых.
Загадка
5 лістапада 1512 году ў царкве Сьвятога Ўрбана ў Падуі сабралася на паседжаньне мэдычная калегія Падуанскага ўнівэрсытэту. Францыск Скарына здаў доктарскі экзамэн. Вось тут і пачынаюцца загадкі...