26 кастрычніка на заклік Сьвятланы Ціханоўскай да агульнанацыянальнага страйку на прадпрымествах і ВНУ краіны праходзяць акцыі пратэсту і страйкі. Зьявілася першая рэакцыя ўладаў на гэтыя падзеі.
ГЛЯДЗІЦЕ ТАКСАМА: Страйкі на заводах. Пратэст студэнтаў і пэнсіянэраў. Што адбываецца ў першы дзень пасьля ўльтыматуму Ціханоўскай
Ва ўрадзе страйкаў не заўважылі
Прэсавая сакратарка старшыні ўраду Беларусі Аляксандра Ісаева заявіла ў Фэйсбуку:
«Па стане на 10.00 26 кастрычніка 2020 году ўсе прадпрыемствы рэальнага сэктару эканомікі рэспублікі працуюць у штатным рэжыме. Вытворчасьць ня спыненыная, як гэта падносяць асобныя телеграм-каналы».
ГЛЯДЗІЦЕ ТАКСАМА: На «Гродна Азот» пачаўся страйк. Людзей затрымліваюцьМіністэрства прамысловасьці: на буйных прадпрыемствах няма страйкаў
Беларускія прамысловыя прадпрыемствы працуюць у панядзелак з раніцы ў штатным рэжыме, заявіў «Інтэрфаксу» памочнік міністра прамысловасьці Часлаў Шульга. Пра страйкі «ў нас няма інфармацыі».
ГЛЯДЗІЦЕ ТАКСАМА: Праваабаронцам вядомыя прозьвішчы амаль 350 затрыманых у першы дзень страйкуПратэсты студэнтаў маюць «адзінкавы характар», — Мінадукацыі
Міністар адукацыі Генадзь Карпенка заявіў, што «нягледзячы на шматлікія заклікі да забастовак, сёньня навучальны працэс ва ўсіх установах адукацыі ідзе ў штатным рэжыме», хоць у «некаторых» ВНУ і назіраюцца «спробы зрыву навучальнага працэсу асобнымі студэнтамі», «абрáзы выкладчыкаў і кіраўнікоў ВНУ».
«Хамскія паводзіны ў адносінах да выкладчыкаў і супрацоўнікаў ВНУ, а таксама спробы дэстабілізацыі абстаноўкі ва ўстановах адукацыі зьяўляюцца грубым парушэньнем як унутранага распарадку, так і заканадаўства. Так званыя мірныя акцыі студэнтаў пачынаюць набываць непрыхаваныя формы агрэсіі і хамства. Такія дзеяньні будуць спыняцца з прымяненьнем усіх неабходных нарматыўна-прававых мер», — цытуе Карпенку БелТА.
ГЛЯДЗІЦЕ ТАКСАМА: Студэнты 9 беларускіх ВНУ далучыліся да агульнанацыянальнага страйку і пратэстаў. ВІДЭА