Суполка менскага футбольнага клюбу «Крумкачы» ў сетцы «Укантакце» расказала пра падрабязнасьці матчу на выезьдзе 25 кастрычніка супраць клюбу «Ліда».
«У сувязі „са становішчам у Рэспубліцы Беларусь, а таксама праз напружаную апэратыўную сытуацыю на тэрыторыі Ліды і раёну“ і ў мэтах „недапушчэньня масавых беспарадкаў і групавых парушэньняў грамадзкага парадку“ нядзельны матч пройдзе без заўзятараў на трыбунах», — такое распараджэньне прыйшло з адзьдзелу спорту і турызму Лідзкага райвыканкаму.
ГЛЯДЗІЦЕ ТАКСАМА: Фэдэрацыя футболу пакарала «Крумкачоў» пасьля матчу, на які яны выйшлі ў майках з заклікамі супраць гвалтуРаней Беларуская фэдэрацыя футболу неаднаразова выносіла папярэджаньні і пакараньні «Крумкачам» за публічныя праявы салідарнасьці з пацярпелымі ад міліцэйскага гвалту. Гульцы каманды Павал Расолька і Сяргей Казека былі жорстка затрыманыя і зьбітыя падчас акцый пратэсту.