У Баранавічах уначы невядомыя кінулі бляшанку ў вакно пракуратуры. Заведзеная крымінальная справа, шукаюць, хто гэта зрабіў, піша Сьледчы камітэт.
Паводле сьледзтва, невядомыя закінулі бляшанку з вадкасьцю і тканінай у вакно Баранавіцкай міжраённай пракуратуры, шыба разьбілася.
Завялі крымінальную справу за хуліганства. Паводле ч. 3 арт. 339 вінаватым пагражае ад трох да 10 гадоў турмы.
8 кастрычніка паведамлялі пра начны падпал дзьвярэй у пракуратуры Жодзіна. Па гэтым факце завялі крымінальную справу за хуліганства, правялі экспэртызы, апыталі відавочцаў.