Перадачы зьняволеным менскага ізалятара ў завулку Акрэсьціна вырашылі прымаць толькі раз на тыдзень, піша «Эўрарадыё».
Раней перадачы прымалі кожны будзённы дзень па дзьве гадзіны, цяпер будуць толькі па чацьвяргах з 10 да 18.
Пры тым толькі ўчора, у нядзелю, за кратамі пакінулі яшчэ 258 чалавек, частка іх трапіла на Акрэсьціна (і ім давядзецца чакаць перадач яшчэ чатыры дні). Колькі там усяго зьняволеных, невядома.