Менск і Масква аднавілі перамовы аб «дарожных мапах». Пра гэта заявіў журналістам амбасадар Беларусі ў Расеі Ўладзімер Сямашка, якога цытуе ТАСС.
«Можна так сказаць, што аб «дарожных мапах» дыялёг аднавіўся, — удакладніў ён. — Гэта ўжо не зьяўляецца сакрэтам, першы віцэ-прэм’ер Мікалай Снапкоў быў у Маскве на мінулым тыдні, там ён сустракаўся з расейскім віцэ-прэм’ерам Аляксеем Аверчуком, абмяркоўвалі альгарытм і гэтак далей. Ня ведаю, як яны, «дарожныя мапы», будуць называцца, але іх трэба актуалізаваць у часе», — дадаў Уладзімер Сямашка.
ГЛЯДЗІЦЕ ТАКСАМА: Лідэр «Единой России» Мядзьведзеў: у адносінах Беларусі і Расеі будуць «сумныя наступствы»Масква яшчэ летась пачала настойваць на паглыбленай інтэграцыі ў рамках так званай саюзнай дзяржавы. Аднак пратэсты ў Беларусі і чарговы віток супрацьстаяньня паміж Маской і Менскам у энэргетычнай галіне паставілі працэс на паўзу.