Прэзыдэнт Дональд Трамп заплаціў усяго 750 даляраў фэдэральнага падаходнага падатку ў 2016 годзе, калі ён балятаваўся ў прэзыдэнты, і ў 2017-м, у свой першы год у Белым доме, паведаміла выданьне The New York Times, спасылаючыся на крыніцы, знаёмыя з падатковымі дэклярацыямі прэзыдэнта ЗША.
Паводле выданьня, Трамп не плаціў фэдэральнага падаходнага падатку 10 з апошніх 15 гадоў, то бок у 2005–2015 гг.
ГЛЯДЗІЦЕ ТАКСАМА: Дональд Трамп апублікаваў сваю падатковую дэклярацыюВыступаючы на прэс-канфэрэнцыі ў Белым доме 27 верасьня, Трамп адхіліў гэтае паведамленьне як «фэйкавую навіну» і сказаў, што ён заплаціў падаткі, але не прывёў ніякіх падрабязнасьцяў, паведамляе «Голас Амэрыкі».
Трамп паабяцаў, што інфармацыя аб яго падатках «будзе апублікаваная», аднак не ўдакладніў тэрмінаў.
ГЛЯДЗІЦЕ ТАКСАМА: У Кангрэсе ЗША запатрабавалі падатковыя дэклярацыі Трампа за 6 гадоўЮрыст Trump Organization Алан Гартэн у заяве для The New York Times адзначыў, што Дональд Трамп «заплаціў дзясяткі мільёнаў даляраў у выглядзе асабістых падаткаў фэдэральнаму ўраду, уключаючы мільёны з моманту абвяшчэньня сваёй кандыдатуры ў 2015 годзе».