Абарона Марыі Калесьнікавай, арыштаванага сябра прэзыдыюму Каардынацыйнай рады, атрымала адказ на скаргу ў Дзяржаўны памежны камітэт.
«У дачыненьні грамадзянкі Калесьнікавай органамі дазнаньня памежнай службы крымінальныя справы не пачыналіся, праз падазрэньне ў злачынствах яна не затрымлівалася», — гаворыцца ў дакумэнце.
ГЛЯДЗІЦЕ ТАКСАМА: Марыі Калесьнікавай выставілі афіцыйнае абвінавачаньнеУ лісьце пацьвярджаецца, што 8 верасьня пасьля праходжаньня памежнага кантролю ў пункце пропуску «Аляксандраўка» яна ня выехала на тэрыторыю Ўкраіны. Спачатку Калесьнікава была дастаўленая ў Мазырскі памежны атрад, а пасьля ў той жа дзень яе перадалі «ўпаўнаважаным асобам».
Пры тым, што нават 9 верасьня не было вядома, дзе яна, і ніводная сілавая структура на запыты не адказвала, гэта парушыла яе права на абарону, канстатуе абарона Марыі Калесьнікавай.