Адвакатка Людміла Казак наведала ў жодзінскім ізалятары сябра прэзыдыюму Каардынацыйнай рады Марыю Калесьнікаву.
Юрыстка расказала Tut.by, што ў Марыі Калесьнікавай абвастрылася алергія. Таксама да яе падабароннай не даходзяць лісты.
«Прывезлі яе сюды ў пятніцу, яна ў агульнай камэры на шэсьць чалавек. У Марыі алергія на пыл, напэўна, яе забясьпечылі ня вельмі сьвежымі матрацам, падушкай і пасьцельнай бялізнай. Яна моцна кашляе, нос закладзены, ацёк насаглоткі, сьвярбяць вочы. Мэдычную дапамогу аказваюць, але мы напісалі заяву на імя начальніка турмы, каб памянялі інвэнтар і забясьпечылі перадачу лекаў».
ГЛЯДЗІЦЕ ТАКСАМА: Сто дзеячоў культуры Нямеччыны напісалі ліст Мэркэль у справе КалесьнікавайПры гэтым, паводле Людмілы Казак, стан здароўя Марыі ніяк не адбіўся на яе настроі.
9 верасьня стала вядома, што Марыя Калесьнікава, якую да таго спрабавалі вывезьці з краіны, знаходзіцца ў СІЗА на Валадарскага і праходзіць падазраванай у крымінальнай справе аб спробе захопу ўлады.
ГЛЯДЗІЦЕ ТАКСАМА: Ад аркестру да вялікай палітыкі. Хто такая Марыя КалесьнікаваУ сваю чаргу, яна запатрабавала ад Сьледчага камітэту распачаць справу супраць супрацоўнікаў КДБ і ГУБАЗіК МУС, якія падчас затрыманьня пагражалі ёй пазбаўленьнем жыцьця.
На гэтым тыдні Марыі Калесьнікавай павінны прад’явіць абвінавачаньне па крымінальнай справе.