Людміла Казак зьбіраецца накіраваць скаргу ў Генпракуратуру на супрацьдзеяньне аказаньню юрыдычнай дапамогі.
«Мы чакалі, што зьявіцца інфармацыя пра месцазнаходжаньне Марыі Калесьнікавай. Атрымліваецца сваволя, калі паведамляюць на самым высокім узроўні, што чалавека затрымалі, але ніхто да яго ня можа трапіць і дзе ён, таксама нікому не адкрываюць», — сказала Свабодзе Людміла Казак.
Паводле адваката, Генпракуратура зьяўляецца гарантам законнасьці і кантралюе ўсе органы.
«Але, відаць, адрэагуюць так, як і ўсе астатнія органы», — сказала яна. Паводле Людмілы Казак, пра месца, дзе знаходзіцца Марыя Калесьнікава, «нічога не пацьвярджаюць, апроч таго, што казалі ўчора па БТ.
«Тое, што бачаць усе, вядома і мне. Ня больш», — сказала адвакатка.
ГЛЯДЗІЦЕ ТАКСАМА: ЗША папярэдзілі Беларусь пра дадатковыя санкцыі пасьля выкраданьня КалесьнікавайМарыя Калесьнікава прапала ў Менску раніцай 7 верасьня. Паводле відавочцаў, на вуліцы Леніна невядомыя пасадзілі яе ў мікрааўтобус і зьвезьлі. Неўзабаве зьніклі таксама сябры Каардынацыйнай рады Іван Краўцоў і Антон Раднянкоў. Раніцай 8 верасьня пры спробе гвалтоўнай высылкі ва Ўкраіну Калесьнікава парвала пашпарт і выбралася з машыны паміж пунктамі пропуску. Яе затрымалі беларускія памежнікі. Краўцоў і Раднянкоў, каб унікнуць затрыманьня, на вялікай хуткасьці зьехалі на тэрыторыю Ўкраіны.
ГЛЯДЗІЦЕ ТАКСАМА: Затрымалі Максіма Знака з Каардынацыйнай рады ГЛЯДЗІЦЕ ТАКСАМА: Amnesty International запатрабавала ад беларускіх уладаў раскрыць месцазнаходжаньне Калесьнікавай ГЛЯДЗІЦЕ ТАКСАМА: «Я ня ведаў, што мяне чакае далей». Краўцоў і Раднянкоў расказалі, як іх затрымалі і вывезьлі ва Ўкраіну