Пра гэта Сьвятлана Ціханоўская сказала 8 верасьня, выступаючы празь відэасувязь перад камітэтам палітычных спраў і дэмакратыі Парлямэнцкай асамблеі Рады Эўропы (ПАРЭ).
Паводле Ціханоўскай, неабходна дабіцца неадкладнага вызваленьня ўсіх палітвязьняў і пачаць дыялёг у беларускім грамадзтве.
Старшыня камісіі міжнародных спраў Палаты прадстаўнікоў Андрэй Савіных, які выступаў пасьля Ціханоўскай, сказаў, што пратэсты ў Беларусі каардынаваліся з-за мяжы, у тым ліку праз Тэлеграм-канал Nexta, які, дадаў ён, паводле інфармацыі некаторых СМІ, кіруецца польскай вайсковай выведкай.
Паводле Савіных, беларускія сілавікі рэагавалі на гвалт з боку пратэстоўцаў.