Прэм’ер-міністар Беларусі Раман Галоўчанка прапанаваў прадметна абмеркаваць пытаньні далейшага разьвіцця „саюзнай дзяржавы“ на плянаваным паседжаньні савету міністраў гэтага ўтварэньня, інфармуе БелТА.
«Выказваем надзею, што мы канструктыўна абмяркуем усё кола наяўных пытаньняў, а замацаваць дасягнутыя дамоўленасьці прапаную на чарговым пасяджэньні савету міністраў „саюзнай дзяржавы“, дзе мы, я спадзяюся, прадметна пагаворым і пра далейшае разьвіцьцё гэтага інтэграцыйнага аб’яднаньня», — сказаў Галоўчанка на сустрэчы з дэлегацыяй Расеі на чале з прэм’ер-міністрам Міхаілам Мішусьціным.
ГЛЯДЗІЦЕ ТАКСАМА: Лукашэнка падзякаваў Расеі, якая «падключылася ў цяжкую хвіліну і дапамагла «сур’ёзна стабілізавацца»Раней сёньня адбылася сустрэча Мішусьціна з кіраўніком Беларусі Аляксандрам Лукашэнкам. Пасьля Мішусьцін паведаміў, што бакі дасягнулі згоды ў пытаньні цэнаў на расейскія энэрганосьбіты для Беларусі.
ГЛЯДЗІЦЕ ТАКСАМА: Мішусьцін: Расея і Беларусь дасягнулі дамоўленасьцяў у аплаце энэрганосьбітаў