Выкладчыкі, супрацоўнікі, выпускнікі і студэнты Беларускай дзяржаўнай акадэміі мастацтваў апублікавалі адкрыты ліст, у якім запатрабавалі правядзеньня новых выбараў.
Аўтары звароту асудзілі ўжываньне гвалту супраць мірных пратэстоўцаў, а таксама разгон дэманстрацый. Таксама, на іх думку, выказваньне Аляксандра Лукашэнкі пра тое, што работнікам, якія не падтрымліваюць дзяржаўнай ідэалёгіі, ня месца ў беларускай сыстэме адукацыі, парушае права на дэмакратычную разнастайнасьць поглядаў, замацаванае ў арт. 4 Канстытуцыі Беларусі.
ГЛЯДЗІЦЕ ТАКСАМА: Студэнты лінгвістычнага ўнівэрсытэту прапанавалі Макею падпісаць пэтыцыю за свабодныя выбары. ВІДЭАПадпісанты лічаць недапушчальным любы ціск на СМІ і ўвядзеньне цэнзуры, а таксама неабгрунтаванае затрыманьне прадстаўнікоў незалежных СМІ.
Яны выказваюць недавер да вынікаў галасаваньня на выбарах 9 жніўня і патрабуюць правядзеньня новых адкрытых і сумленных выбараў.
ГЛЯДЗІЦЕ ТАКСАМА: Тысячы беларускіх студэнтаў патрабуюць правесьці новыя выбары, заклікаюць выходзіць з БРСМАўтары адкрытага ліста заяўляюць, што не замахваюцца на нацыянальную бясьпеку, але патрабуюць захаваньня грамадзянскіх правоў, свабодаў і права на волевыяўленьне.