Іну Барысенку затрымалі 21 жніўня, калі яна выносіла сьмецьце. Паводле пратаколу міліцыі, Іна Барысенка 19 жніўня арганізавала несанкцыянаванае шэсьце.
«Я шчыра думала, што гэта законна, бо міліцыя не папярэджвала, што гэта незаконна. Я была ля цырку, там зьбіраліся людзі... Я нічога не арганізоўвала», — патлумачыла на судзе настаўніца.
«Зь якой мэтай вы былі ля цырку?», — запытаўся судзьдзя. «Безь ніякай пэўнай мэты», — адказала жыхарка Гомля.
Іну затрымалі ў пятніцу, 21 жніўня, калі яна выносіла сьмецьце.
«Да мяне падышлі два чалавекі, я вельмі спалохалася, у мяне быў жах. Я была ў жудасным эмацыйным стане. Я адмовілася ехаць зь міліцыяй, бо яны не сказалі — за што, не назвалі прычыну», — патлумачыла настаўніца. У пратаколе напісана, што яна вырывалася, то бок «не падпарадкавалася законным патрабаванням».
Іна Барысенка прасіла прыняць пад увагу, што яна больш ня будзе ўдзельнічаць у масавых мерапрыемствах.
Судзьдзя Сяргей Кармановіч пакараў яе штрафам 26 базавых велічыняў, 702 рублі.
ГЛЯДЗІЦЕ ТАКСАМА: На МЗКЦ падчас збору подпісаў за страйк затрымалі кіраўніка заводзкага страйкаму ГЛЯДЗІЦЕ ТАКСАМА: Як сумленнага пэдагога ўгаворвалі падпісаць сфальсыфікаваны пратакол. Аўдыёзапіс зь Віцебску