Журналістка зь Нідэрляндаў прыехала ў Менск яшчэ да выбараў, піша Tut.by. Увечары 9 жніўня Эмілі Ван Оўтэрэн запісвала інтэрвію з пратэстоўцамі і была параненая ў нагу аскепкамі сьвятлашумавой гранаты.
Вярнуўшыся дадому, яна апублікавала рэпартаж пра тое, што зь ёй здарылася.
ГЛЯДЗІЦЕ ТАКСАМА: «Наслухаўшыся пра зьверствы сілавікоў, я магу паверыць у самае страшнае». Што кажуць сваякі зьніклых«Набірала тэкст з шпітальнага ложку. Хацела, каб у нашай краіне хутчэй пра ўсё даведаліся і адчулі сябе бліжэй да таго, што адбываецца ў Беларусі», — расказвае яна.
Яе ўжо выпісалі, але аднаўленьне ня будзе хуткім, кажа журналістка. Левая нага абпаленая. Ёсьць пяць адтулінаў у сьцягне: найглыбейшая — 10 сантымэтраў. Гэта не нясе пагрозы жыцьцю, але шнары жудасныя, канстатуе Эмілі.
ГЛЯДЗІЦЕ ТАКСАМА: Жанчына знайшла выкрадзенага мужа па фота, яго таемна абвінавацілі ў арганізацыі масавых беспарадкаўЯна займаецца журналістыкай 17 гадоў, працуе ў газэце NRC, гэта адно зь вядучых выданьняў Нідэрляндаў.
Выпраўлялася ў Аўганістан, ва Ўкраіну. Апошнім часам яна карэспандэнт у Цэнтральнай Эўропе. Асьвятляла хваляваньні ў Вугоршчыне, Польшчы. Але ніколі ня бачыла таго, што здарылася ў Беларусі, — падсумоўвае яна.