«Эўрапейскі зьвяз павінен працягнуць мабілізацыю на баку соцень тысяч беларусаў, якія мірна выступаюць за выкананьне іх правоў, свабоды і сувэрэнітэт», — такі запіс зрабіў прэзыдэнт Францыі Эманюэль Макрон на сваёй старонцы ў «Твітэры» ў ноч на 17 жніўня.
L%27Union européenne doit continuer de se mobiliser aux côtés des centaines de milliers de Biélorusses qui manifestent pacifiquement pour le respect de leurs droits, de leur liberté et de leur souveraineté.
— Emmanuel Macron (@EmmanuelMacron) August 16, 2020
Напярэдадні ў Менску і іншых гарадах Беларусі прайшлі масавыя акцыі пратэсту супраць фальсыфікацыі вынікаў прэзыдэнцкіх выбараў і гвалту з боку сілавікоў.
Сытуацыя ў Беларусі стала адной з тэм тэлефоннай размовы Макрона і прэзыдэнта Расеі Ўладзіміра Пуціна 12 жніўня.
Французскі лідар «выказаў глыбокую заклапочанасьць сытуацыяй у Беларусі і гвалтам у дачыненьні да грамадзян падчас выбараў», паведаміла прэс-служба Макрона.