Раніцай 15 жніўня над будынкам абласнога драматычнага тэатру ў Горадні залунаў бел-чырвона-белы-сьцяг.
Да таго там звычайна вісела цяперашняе дзяржаўнае чырвона-зялёнае палотнішча, потым мачта раптам апусьцела і замест яго быў узьняты гістарычны бел-чырвона-белы сьцяг.
Чырвона-зялёны сьцяг над тэатральным будынкам
Пусты флягшток
Бел-чырвона-белы сьцяг над горадзенскім драмтэатрам
Раней калектыў тэатру выказаў занепакоенасьць падзеямі, якія адбываюцца пасьля прэзыдэнцкіх выбараў. Зварот да ўладаў падпісалі амаль сем дзясяткаў супрацоўнікаў установы, у тым ліку галоўны рэжысэр Генадзь Мушперт.
На перакананьне тэатральнага калектыву, адвольныя затрыманьні без тлумачэньня прычынаў ёсьць прамым парушэньнем закону. Нічым не абгрунтаваная жорсткасьць і зьбіцьцё грамадзянаў абсалютна недапушчальныя.
ГЛЯДЗІЦЕ ТАКСАМА: «Ваяваць з уласным народам — шлях у нікуды». Горадзенскі драмтэатар выступіў з адкрытым зваротам да ўладаўЯк гаворыцца ў звароце, нічога падобнага ня здарылася б, каб прайшлі сумленныя выбары. Аднак ёсьць маса падставаў не давяраць афіцыйным лічбам, агучаным ЦВК. Краіна, у якой існуе вялізны дэфіцыт даверу грамадзтва да ўлады, пазбаўленая будучыні, падсумавалі горадзенцы.