Ціханоўская сабрала дзясяткі тысяч чалавек у Менску. ШМАТ ФОТА

У размове са Свабодай Сьвятлана Ціханоўская пракамэнтавала ранішнюю сустрэчу зь дзяржаўным сакратаром Рады бясьпекі Андрэем Раўковым, які паведаміў пра падвышаныя захады бясьпекі на выбарчых акцыях у сувязі з затрыманьнем меркаваных расейскіх баевікоў.

«Дзякуй супрацоўнікам МУС, якія будуць ахоўваць гасьцей на нашых пікетах. У нас узмацнілася арганізацыя. Думаю, усё будзе лепей і мы будзем адчуваць сябе больш абароненымі», — сказала Ціханоўская.

Сьвятлана Ціханоўская на пытаньне Свабоды, ці верыць яна, што Лукашэнка пагодзіцца на ейнае запрашэньне правесьці зь ёй дэбаты, адказала «Гэта ж яго права вырашаць, пагаджацца ці не. Я запрасіла яго амаль што як на белы танец».

Людзі стаялі таксама за агароджай, не праходзячы праз прапускныя пункты. З боку вуліцы Карастаянавай выстраіліся чэргі даўжынёй каля 100 мэтраў.

Пляцоўка была агароджаная, міліцыя надглядала наведнікаў і прапускала праз мэталашукальнікі.

Паэт Ян Грыб

Марына Адамовіч

Вераніка Цапкала, Сьвятлана Ціханоўская, Марыя Калесьнікава

Сьвятлана Ціханоўская

Вераніка Цапкала

Марыя Калесьнікава