Эканоміка

Ад 1 жніўня Расея адновіць міжнародныя авіярэйсы. Але не ў Беларусь

KRASNOYARSK TERRITORY, RUSSIA - APRIL 7, 2020: Aeroflot passenger planes at Krasnoyarsk International Airport. Russia has halted all international flights since March 27, 2020, amid the ongoing COVID-19 coronavirus pandemic, except for repatriation flights. Since April 4, every r

Расея аднаўляе міжнародныя авіязносіны, пачынаючы з 1 жніўня.

Пра гэта заявіў прэм’ер-міністар Міхаіл Мішусьцін. Па яго словах, у прыняцьці такога рашэньня ўрад кіраваўся перадусім эпідэміялягічнай сытуацыяй і прынцыпамі ўзаемнасьці.

Рэйсы будуць выконвацца з Масквы, Санкт-Пецярбургу і Растова-на-Доне. Як удакладніла віцэ-прэм’ер Тацяна Голікава, 1 жніўня самалёты паляцяць толькі ў тры краіны — Вялікую Брытанію, Турэччыну і Танзанію. Паступова геаграфія будзе пашырацца.

ГЛЯДЗІЦЕ ТАКСАМА: Пасьля Альбаніі і Турэччыны беларусам адкрываецца Чарнагорыя, дзе першымі ў Эўропе перамаглі каранавірус 

У канцы чэрвеня беларуская кампанія «Белавія» працягнула прыпыненьне рэйсаў ва ўсе гарады Расеі да 31 ліпеня ўключна. Будзе тэрмін падоўжаны ці ад пачатку жніўня палёты адновяцца — пакуль невядома.

Што трэба ведаць пра новы каранавірус, які выклікае COVID-19

  • Невядомы раней вірус выявілі ў кітайскім горадзе Ўхань у сьнежні 2019 году.
  • Афіцыйнай назвай хваробы ад новага каранавірусу з Кітаю стала COVID-19 (coronavirus disease).
  • Сусьветная арганізацыя здароўя рэкамэндуе трымацца далей ад людзей, якія чхаюць і кашляюць, добра мыць рукі, ня есьці дрэнна апрацаванае (недасмажанае або недаваранае) мяса, абмежаваць сацыяльныя кантакты.
  • Сусьветная арганізацыя здароўя абвясьціла распаўсюд каранавіруснай інфэкцыі COVID-19 у сьвеце пандэміяй.

  • Праявы каранавірусу падобныя да іншых вострых вірусных захворваньняў. Ён суправаджаецца павышанай тэмпэратурай, ліхаманкай і цяжкасьцямі дыханьня, у хворага могуць зьяўляцца кашаль, млявасьць, пагаршэньне агульнага стану; можа выклікаць бранхіт і пнэўманію.
  • Каранавірусы — сямейства з больш як 30 вірусаў, якія былі ўпершыню выдзеленыя ў 1965 годзе. Паражаюць людзей, свойскіх жывёлаў, сьвіней, буйную рагатую жывёлу, птушак і здольныя правакаваць пашкоджаньне дыхальнай сыстэмы, страўнікава-кішачнага тракту, нэрвовай сыстэмы. Вядома, што інфэкцыя перадаецца ад чалавека да чалавека. Сярод сымптомаў — гарачка, кашаль і цяжкае дыханьне. Паколькі гэтыя сымптомы падобныя да многіх іншых рэсьпіратарных захворваньняў, неабходны дадатковы скрынінг. ​

Найважнейшыя пытаньні і адказы пра каранавірус

Беларускія мэдыкі, якія загінулі падчас пандэміі COVID-19. СЬПІС ПАМЯЦІ

Інтэрактыўная мапа. Каранавірус у Беларусі