Масавая вытворчасьць расейскай вакцыны ад каранавірусу пачнецца не раней канца 2020 году. Аднак ужо ўвосень можна будзе патэнцыйна пачаць вакцынаваньне груп рызыкі, за выключэннем пажылых людзей і дзяцей.
УЖЫВУЮ Каранавірус у Беларусі і ў сьвеце. Як разьвіваюцца падзеі
Пра гэта ў інтэрвію выданьню «Медуза» расказаў намеснік дырэктара ў навуковай працы Нацыянальнага дасьледчага цэнтру эпідэміялёгіі і мікрабіялёгіі імя Гамалеі Дзяніс Лагуноў.
Цэнтр Гамалеі — лідэр ў выпрабаваннях расейскай вакцыны. 21 ліпеня Міністэрства абароны паведаміла, што распрацаваны ў цэнтры прэпарат ужо гатовы для выкарыстання.
Міністэрства аховы здароўя гэтую інфармацыю зьняпраўдзіла.
Лагуноў у інтэрвію паведаміў, што этап выпрабаваньняў, аб завяршэнні якога паведамлялася раней, будзе доўжыцца яшчэ паўгода.
ГЛЯДЗІЦЕ ТАКСАМА: Bloomberg: расейская эліта з красавіка мела доступ да вакцыны ад COVID-19
Паводле Логунова, у верасьні вакцына можа атрымаць часовую рэгістрацыю, прыдатную для пашыраных выпрабаваньняў. Яе нельга будзе ўводзіць пажылым людзям і дзецям, аднак ёй можна будзе імунізаваць групы рызыкі, напрыклад лекараў.
Інтэрвію было апублікавана да таго, як цэнтар даў справаздачу пра бясьпеку вакцыны для людзей. Паводле Лагунова, вакцына паказала сваю бясьпеку на мышах, малпах і хамяках. У іх знойдзены імунны адказ, у тым ліку стварэньне клеткавага імунітэту. Акрамя таго, распрацаваны пратакол на вялікую трэцюю фазу дасьледаваньня з удзелам дзьвюх тысяч добраахвотнікаў.
ГЛЯДЗІЦЕ ТАКСАМА: Брытанія абвінаваціла расейскіх хакераў у спробе выкрасьці зьвесткі пра вакцыну ад каранавірусу
Паводле Логунова, распрацоўка вакцыны заняла ў цэнтра два тыдні. Яна выкарыстоўвае вірус-носьбіт, які дастаўляе ў арганізм чалавека генэтычную інфармацыю новага каранавірусу і выклікае імунны адказ на яго. Пры гэтым у расейскім варыянце вакцыны вірусу-носьбіту не даюць размножвацца, а ўводзіцца вакцына будзе два разы.
Высокую хуткасьць распрацоўкі ён патлумачыў тым, што перад пандэміяй цэнтар тры гады распрацоўваў вакцыну ад блізкаўсходняга рэсьпіраторнага сындрому MERS, які таксама выклікаецца каранавірусам, блізкім да вірусу атыповай пнэўманіі, як і каранавірус новага тыпу.
Што трэба ведаць пра новы каранавірус, які выклікае COVID-19
- Невядомы раней вірус выявілі ў кітайскім горадзе Ўхань у сьнежні 2019 году.
- Афіцыйнай назвай хваробы ад новага каранавірусу з Кітаю стала COVID-19 (coronavirus disease).
- Сусьветная арганізацыя здароўя рэкамэндуе трымацца далей ад людзей, якія чхаюць і кашляюць, добра мыць рукі, ня есьці дрэнна апрацаванае (недасмажанае або недаваранае) мяса, абмежаваць сацыяльныя кантакты.
- Сусьветная арганізацыя здароўя абвясьціла распаўсюд каранавіруснай інфэкцыі COVID-19 у сьвеце пандэміяй.
- Праявы каранавірусу падобныя да іншых вострых вірусных захворваньняў. Ён суправаджаецца павышанай тэмпэратурай, ліхаманкай і цяжкасьцямі дыханьня, у хворага могуць зьяўляцца кашаль, млявасьць, пагаршэньне агульнага стану; можа выклікаць бранхіт і пнэўманію.
- Каранавірусы — сямейства з больш як 30 вірусаў, якія былі ўпершыню выдзеленыя ў 1965 годзе. Паражаюць людзей, свойскіх жывёлаў, сьвіней, буйную рагатую жывёлу, птушак і здольныя правакаваць пашкоджаньне дыхальнай сыстэмы, страўнікава-кішачнага тракту, нэрвовай сыстэмы. Вядома, што інфэкцыя перадаецца ад чалавека да чалавека. Сярод сымптомаў — гарачка, кашаль і цяжкае дыханьне. Паколькі гэтыя сымптомы падобныя да многіх іншых рэсьпіратарных захворваньняў, неабходны дадатковы скрынінг.
Найважнейшыя пытаньні і адказы пра каранавірус
Беларускія мэдыкі, якія загінулі падчас пандэміі COVID-19. СЬПІС ПАМЯЦІ