Прамысловасьць Беларусі пачынае аднаўляцца, паведаміў міністар эканомікі Аляксандар Чарвякоў падчас паседжаньня Эўразійскага міжурадавага савету.
«Прамысловасьць пачынае аднаўляцца ў частцы вытворчасьці і паставак, — цытуе чыноўніка БелТА. — У прыватнасьці, аднаўленьню паспрыялі кантракты на пастаўку калійных угнаеньняў у Індыю і Кітай, а таксама нафтаперапрацоўка».
ГЛЯДЗІЦЕ ТАКСАМА: ВУП у першым паўгодзьдзі 2020 году ўпаў на 1,7%Паводле ацэнкі міністра, па выніках бягучага году Беларусь можа выйсьці на нулявы прырост валавога ўнутранага прадукту пасьля зьніжэньня ВУП на 1,7% па выніках першага паўгодзьдзя.
Пры гэтым Аляксандар Чарвякоў ня выключыў, што пры спрыяльным разьвіцьці сытуацыі ВУП Беларусі можа паказаць рост.
«У верасьні мы зможам сказаць, на які канчатковы вынік па выніках 2020 году выйдзем», — растлумачыў ён.
ГЛЯДЗІЦЕ ТАКСАМА: На падтрымку беларускай эканомікі падчас пандэміі ўлады далі $9,5 млнАляксандар Чарвякоў пацьвердзіў, што Міністэрства эканомікі пачало працу над прагнозам на 2021 год. У гэтым дакумэце закладаецца рост ВУП.